O Hospital Vithas Fátima de Vigo acollerá o vindeiro martes, día 22 de outubro, a partir das 19,30 horas unha conferencia sobre a abordaxe multidisciplinar da cirurxía da mama, que impartirá o coordinador da Unidade de Mama do centro sanitario, Gonzalo de Castro Parga.

Esta charla, que será de carácter gratuíto, está incluída no ciclo Vithas Aula Saúde e porá punto e final aos actos conmemorativos do Día Mundial contra o Cancro de Mama, que se celebra cada 19 de outubro.

De Castro tamén ofreceu consultas gratuítas sobre reconstrución mamaria; e as usuarias que solicitaron un test de susceptibilidade ao cancro de mama hereditario, puideron beneficiarse dun desconto na tarifa, tal como indicou o hospital nun comunicado.