InicioSucesosDetido por tráfico de drogas un vigués ao que interviñeron case 170...

Detido por tráfico de drogas un vigués ao que interviñeron case 170 dose de cocaína e heroína

PUBLICADO O

- Advertisement -

Axentes de Policía Nacional da Comisaría de Vigo detiveron a un veciño da cidade, de 41 anos de idade, como presunto autor dun delito contra a saúde pública por tráfico de drogas.

Segundo informaron fontes policiais, a investigación iniciouse a finais de agosto, tras terse coñecemento da posible existencia dun ‘punto negro’ de tráfico de drogas na contorna da Travesía de Vigo.

A Policía despregou un dispositivo de vixilancia e descubriron a un home que se citaba en diversos puntos predeterminados da rúa Canadelo Baixo cos seus ‘clientes’. O home realizaba con estas persoas rápidos intercambios e adoptaba medidas de seguridade e cautelas para evitar ser detectado pola Policía.

Con estas evidencias, a Policía puxo en marcha un operativo para deter ao traficante, ao que sorprenderon cando chegaba á zona para realizar unha venda de droga. Cando foi interceptado e cacheado, os axentes atopáronlle 102 dose de cocaína, 66 de heroína e unha importante cantidade de diñeiro en efectivo.

O home foi trasladado a Comisaría, onde se comprobou que non ten antecedentes policiais. O detido e as dilixencias practicadas foron postos a disposición do xulgado de garda da cidade olívica.

ÚLTIMAS

Inspección de Traballo investiga un accidente laboral en Stellantis Vigo no que unha operaria perdeu un pé

A Inspección de Traballo abriu unha investigación para coñecer as circunstancias dun accidente laboral ocorrido...

O adestrador acusado de abusar dunha menor en Vigo alega que as relacións foron consentidas e ela tiña xa 16 anos

O adestrador de fútbol acusado de abusar sexualmente dunha xogadora menor de idade en...

A Xunta di que investiu 375 millóns en Vigo e hai outros 70 “bloqueados” polo goberno local

A delegada da Xunta en Vigo, Ana Ortiz, defendeu este venres que o goberno...

Stellantis reacciona aos aranceis: parará a produción en Canadá e México e recortará 900 empregos en EEUU

O grupo automobilístico Stellantis paralizará a súa produción durante dúas semanas nunha das súas...