O Concello de Vigo convocará, no prazo dun ano, 258 prazas de funcionarios correspondentes ás Ofertas Públicas de Emprego (OPE) de 2019 e ás pendentes de anos anteriores, segundo confirmou en rolda de prensa o alcalde, Abel Caballero.

Así, 84 prazas correspóndense coa OPE deste ano, mentres que 174 vincúlanse a convocatorias pendentes doutros anos. En total, ofertaranse 209 prazas libres e 49 de promoción interna.

Segundo informou o rexedor, no próximo ano incorporaranse 62 axentes de Policía Local, 24 bombeiros, 11 diplomados para Servizos Sociais, 34 técnicos de administración en varias áreas, e 140 funcionarios do corpo administrativo, capataces, encargados, etc.