InicioSucesosDetido en Vigo tras ameazar os pasaxeiros dun bus urbano e a...

Detido en Vigo tras ameazar os pasaxeiros dun bus urbano e a axentes de Policía Local

O home acabou nun galpón dunha leira, onde se fixo cunha fouce e un coitelo de 12 centímetros de folla cos que ameazou aos axentes.

PUBLICADO O

- Advertisement -

Axentes da Policía Local de Vigo detiveron a un home como presunto autor dun delito de ameazas graves, tras increpar aos pasaxeiros dun bus urbano e ameazar cunha fouce e un coitelo a axentes policiais.

Segundo informaron fontes do 092, os feitos ocorreron ao mediodía deste luns, cando a sala de comunicacións da Policía Local recibiu un aviso por parte dun condutor de bus urbano, que informaba sobre un individuo que estaba a bordo do autocar, golpeando os mobiliarios do interior e ameazando ao resto de viaxeiros.

Os axentes desprazáronse ata o lugar dos feitos, na zona do Calvario, e observaron como o sospeitoso, ao decatarse da presenza policial, comezou a aporrear a porta do bus, esixindo que lle abrisen para apearse. Cando chegou a patrulla, o home conseguira saír do autocar, e deuse á fuga.

Os policías seguíronlle a pé e comprobaron que saltaba un muro cara a unha zona chea de maleza. Ao verse perseguido polos axentes, o sospeitoso seguiu saltando varias tapias a través das leiras, facendo caso omiso dos axentes, que tentaban tranquilizalo.

Finalmente, o home chegou a unha leira na que entrou nun galpón e fíxose cunha fouce e un coitelo de 12 centímetros de folla, cos que ameazou aos axentes, á vez que lles insultaba.

Tras contactar coa propietaria da leira, os axentes lograr acceder e, mentres uns policías entraban pola porta principal, outro franqueou o muro e, por detrás, puido saltar sobre o sospeitoso e reducilo.

ÚLTIMAS

Caballero di agora que “pide que o Goberno de España pague” parte das obras necesarias para ser sede do Mundial

O alcalde de Vigo, Abel Caballero, dixo este mércores que el "pide que o...

“Non permitiremos un réxime do medo”, sindicatos e movementos sociais condenan o ataque á sede de UGT de Vigo

Sindicatos, movementos sociais e partidos políticos de esquerda volveron condenar este mércores o ataque...

O cidadán “exemplar” de Vigo: entrega á Policía 400 euros que atopou no caixeiro

Un cidadán entregou á Policía Nacional 400 euros que atopara na rañura dun caixeiro...

O RC Celta de Vigo multado con 5.000 euros por vender alcol nos palcos VIP

A Comisión Permanente da Comisión Estatal contra a Violencia, o Racismo, a Xenofobia e...