InicioSucesosIdentificado un home en Vigo por circular cun patinete eléctrico baixo os...

Identificado un home en Vigo por circular cun patinete eléctrico baixo os efectos de substancias estupefacientes

Dous rapaces fuxidos dun centro de menores ourensán foron recollidos en Coia.

PUBLICADO O

- Advertisement -

Un home de 42 anos, M.C.G., foi identificado por circular por unha beirarrúa da cidade olívica cun Vehículo de Mobilidade Persoal (VMP), un patinete eléctrico, baixo os efectos de substancias estupefacientes. Segundo recolleu a Policía Local nun comunicado, os feitos tiveron lugar este luns ao redor das 9,20 horas, cando unha patrulla observou como un home circulaba cun VMP por unha beirarrúa da zona Camelias a unha velocidade moi superior á dos peóns.

Tras darlle o alto, os axentes ordenáronlle identificarse. Ademais, debido a que sospeitaron que se podía atopar baixo a influencia de sustancias estupefacientes, realizáronlle as probas correspondentes, que arroxaron resultados positivos en opiáceos e anfetaminas. Por estes motivos, os policías cursaron unha sanción administrativa e inmobilizaron o vehículo, que posteriormente foi trasladado ao depósito municipal.

MENORES FUXIDOS

Por outra banda, este luns ao redor das 00:58 horas, recibiuse aviso de que dous menores fuxidos atopábanse na zona de Coia. Ao parecer, estes abordaran ao requiriente para que notificase a súa situación á Policía co obxectivo de ser recolleitos. Despois de que os axentes se desprazaran ao momento de espera indicado, observaron como dous mozos fuxían en direccións opostas para eludir á unidade.

Finalmente, localizouse a un deles no centro comercial Alcampo. Este atopábase indocumentado, aínda que se identificou como J.G.C., nacido na Coruña e de 17 anos. Ao parecer, fuxiuse do centro de menores Montealegre de Ourense Os policías verificaron telematicamente que constaba unha orde de protección de persoas por menor fuxido de centro de garda/tutela e trasladárono a dependencias policiais para a súa plena identificación.

Ademais, nunha das saídas de seguridade do centro comercial Gran Vía, localizaron ao segundo novo, que, despois de que fuxir de novo, foi interceptado. Tras comprobar que se trataba dun menor de 16 anos, I.R.N., que se fuxiu do mesmo centro que o anterior, realizáronse os trámites correspondentes para o reingreso de ambos.

ÚLTIMAS

Ordenan prisión para o home que quixo queimar a casa da súa exmuller en Tomiño coa súa filla dentro

O xulgado de instrución número 1 de Tui acordou o ingreso en prisión provisional,...

Arremeten contra unha xornalista no terceiro intento de desaloxo da casa ocupada na rúa Pardavila

Unha muller que estaba a ser desaloxada dunha casa ocupada desde hai anos en...

A Asociación de Dano Cerebral Alento preparará a tortilla máis grande da historia de Vigo” polo seu 25 aniversario

A Asociación de Dano Cerebral Alento elaborará este sábado a tortilla "máis grande da...

O BNG levará unha moción ao Pleno de Vigo para pedir a condena das “accións genocidas” de Israel en Gaza

O grupo municipal do BNG no Concello de Vigo levará unha moción para o...