InicioSociedadeLimitacións de tráfico na Autovía Vigo-O Porriño pola colocación dunha pasarela peonil

Limitacións de tráfico na Autovía Vigo-O Porriño pola colocación dunha pasarela peonil

PUBLICADO O

- Advertisement -

O Ministerio de Fomento executa a montaxe do van central da pasarela peonil no quilómetro 6,800 do tramo Vigo-O Porriño da autovía A-55, o que afectará o tráfico na zona en horario nocturno.

Segundo informou Fomento, durante os traballos de montaxe, produciranse afeccións ao tráfico, entre as 23,00 horas deste martes e as 6,00 horas deste mércores. “A montaxe da pasarela realízase en horario nocturno para minimizar os efectos sobre a circulación”, puntualizou. Ademais haberá o corte de circulación nun dos dous carrís de cada calzada.

A vía de servizo cortarase totalmente en sentido Vigo e, concretou Fomento, “en todo momento estará operativo un carril por cada sentido de circulación”. Ademais, ás 1,50 horas procederase a cortar totalmente o tronco da autovía durante 10 minutos para a realización das manobras de izado da pasarela nas debidas condicións de seguridade.

O desvío da vía de servizo sentido Vigo e as restricións nos carrís “estarán debidamente sinalizados“, destacou o Ministerio de Fomento.

ÚLTIMAS

Concello e deputación acordan reformar a bancada de Gol en Balaídos

A Xunta de Goberno do Concello de Vigo deu este luns luz verde ao...

Tres detidos en Portugal e máis 1.000 quilos de cocaína intervidos nos portos de Sines e Vigo

Unha investigación posta en marcha pola Polícia Judiciária de Portugal e que contou coa cooperación da...

Detectado e eliminado un punto de vertedura de augas residuais en Redondela

Os técnicos do Programa de Control de Verteduras, dependente de Augas de Galicia, detectaron un...

Un atuneiro dunha empresa viguesa, implicado nun naufraxio cun desaparecido nas Galápagos

O atuneiro 'Ría de Aldán', comprado o ano pasado pola viguesa Wofco, viuse implicado nun accidente...