InicioVigo e contornaVigoO Vigo Seafest: Gastronomía, música e deporte ao servizo do mar

O Vigo Seafest: Gastronomía, música e deporte ao servizo do mar

O festival organizado pola Cooperativa de Armadores de Pesca do Porto de Vigo (Arvi) terá lugar entre o 4 e o 7 de xuño no Náutico da cidade olívica. Na súa presentación, Abel Caballero apuntou que o evento representaba "todo o que fai a Vigo cidade".

PUBLICADO O

“Primeiro somos Vigo, second we are sea and third fest”. Con esta incursión inglés que xa non é sorpresa para os vigueses, Abel Caballero comezaba a súa intervención na presentación do Vigo SeaFest 2019, a terceira edición do festival organizado pola Cooperativa de Armadores de Pesca do Porto de Vigo (Arvi) que se celebrará entre o 4 e o 7 de xuño no Náutico da cidade olívica. Un evento que combina a mellor gastronomía con produtos con actividades deportivas e actuacións musicais co mar como eixo común.

Caballero explicou que para el a proposta é moi importante porque “o SeaFest conxuga todo o que fai a Vigo cidade: O mar é a nosa forma de facer economía pero sempre cun inmenso respecto polo medio”. Para o rexedor o eixo central da vida en Vigo “é o consumo de pescado pero dun xeito sostible”. O rexedor incidiu en que é fundamental garantir que haxa máis pesca “nos tempos dos nosos netos” que agora. Ademais, rexeitou a presenza de plásticos no mar.

Os embaixadores do festival este ano son os irmáns Torres. Os cataláns, dous dos cociñeiros máis mediáticos do Estado, realizarán demostracións de cociña en directo e ofrecerán unha degustación de tapas nos postos de cociña. Ademais, participarán doce cociñeiros de prestixio de Galicia e Portugal, sempre co obxectivo de explorar as posibilidades culinarias dos produtos pesqueiros. O rexedor vigués sinalou que os chefs fan produtos extraordinarios pero reivindicou o papel do conxunto de persoas que fan o festival posible: “Ten que funcionar o resto da cadea para que isto vaia a andar, e iso é a posta en valor do SeaFest”.

O recinto do Vigo SeaFest 2019 contará con stands gastronómicos que estarán operativos dende as 12:00 ata as 00:00, o que permitirá aos asistentes consumir durante toda a xornada tapas ou pequenos pratos elaborados con produtos marítimos tan diferentes como a pescada, o rapante, o calamar, o bacallau ou o lagostino.

DEPORTE, VISITAS E CONCERTOS

A organización deste evento multidisciplinar agarda recibir nas tres xornadas un total de 100.000 persoas que poderán desfrutar de actividades para todas as idades. Un visitante poderá desfrutar de presencia competicións actividades deportivas acuáticas como vela, kayak ou waterpolo, se é do seu interese, ou acudir ás visitas guiadas a lugares como a lonxa de Vigo ou un buque pesqueiro. Estas actividades son similares ás que se podían desfrutar no festival o ano pasado.

Por outra banda, está programada unha moi rica oferta musical, que busca reeditar o éxito que tiveron as actuacións do pasado ano. En dous escenarios diferentes, destacan os concertos de  bandas como Aurora & The Betrayers -que repiten no festival coa súa mestura entre folk americano, soul e R&B- ou The Secret Investments, unha banda de raíces similares á anterior pero cunha aposta forte polas melodías orgánicas e o groove.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...