A consulta popular activada este martes sobre a posibilidade de prohibir fumar nalgunhas praias de Vigo rexistrou en apenas un día 24.848 votos, o 77,84% dos cales a favor desta iniciativa.

Menor actividade rexistrou, de momento, a consulta sobre prohibir ou non fumar no estadio de Balaídos, de propiedade municipal, xa que participaron na mesma 9.159 cidadáns, dos que o 83,02% mostráronse a favor de pór coto ao fume.

A votación, segundo explicou o alcalde, Abel Caballero, en rolda de prensa realízase por teléfono móbil e o sistema só permite un voto por cada dispositivo.