O alcalde de Vigo e candidato socialista á reelección, Abel Caballero, animou este domingo 26 de maio a “toda a cidadanía” a votar para “decidir o futuro da cidade” olívica.

“Hoxe é o día de exercer o dereito democrático ao voto”, reivindicou o dirixente socialista a través das redes sociais tras acudir a depositar o seu voto na correspondente mesa electoral situada nas instalacións do Concello de Vigo.

Caballero estivo acompañado, entre outros, pola ex-ministra Elena Espinosa, quen encabeza a candidatura do PSOE de Vigo xunto ao alcalde socialista e á presidenta da Deputación provincial, Carmela Silva.