InicioPolíticaA Federación de Asociacións Veciñais de Vigo denuncia "persecución" por parte do...

A Federación de Asociacións Veciñais de Vigo denuncia “persecución” por parte do PSOE

Segundo explicou a presidenta da Favec, María Pérez, esta entidade decidiu organizar un debate con todos os candidatos en vista do interese dos partidos por trasladar as súas propostas, e tamén para dar oportunidade aos veciños de expor as súas dúbidas ou demandas.

PUBLICADO O

- Advertisement -

A Federación de Asociacións Veciñais de Vigo (Favec) denunciou este luns a “persecución” que, afirma, sofre por parte do PSOE vigués, despois de que este partido presentase denuncia ante a Xunta Electoral de Zona pola celebración dun debate entre candidatos á Alcaldía olívica, e que foi organizado por esta entidade veciñal.

Segundo explicou a presidenta da Favec, María Pérez, esta entidade decidiu organizar un debate con todos os candidatos en vista do interese dos partidos por trasladar as súas propostas, e tamén para dar oportunidade aos veciños de expor as súas dúbidas ou demandas. Para ese debate, que terá lugar este martes ás 20,00 horas, se elegió como escenario o Centro Cultural Helios de Bembrive, “por cuestión de espazo”.

“A nosa sorpresa é que é PSOE de Vigo e, no seu nome, Jaime Aneiros, denunciou ao Centro Cultural por este debate. Parécenos dunha gravidade absoluta que se queira coartar a democracia participativa”, proclamou María Pérez.

Segundo incidiu, fanse outros debates “pero a quen denuncian é á Favec”. “Por que nos perseguen?, cuestionou, á vez que avanzou que os candidatos de PP, Marea, BNG e Cidadáns confirmaron a súa presenza no acto; non así o candidato á reelección, o socialista Abel Caballero, que “nin sequera contestou á invitación”.

Segundo a denuncia presentada polo PSOE, o debate que se celebrará en Bembrive “non foi autorizado pola Xunta Electoral” e non está confirmada a presenza de “todos” os candidatos, polo que pide que se inste á entidade veciñal a deixar de publicitalo.

O organismo electoral respondeu á demanda dos socialistas, resolvendo que carece de competencias “respecto do solicitado”.

ÚLTIMAS

Caballero di agora que “pide que o Goberno de España pague” parte das obras necesarias para ser sede do Mundial

O alcalde de Vigo, Abel Caballero, dixo este mércores que el "pide que o...

“Non permitiremos un réxime do medo”, sindicatos e movementos sociais condenan o ataque á sede de UGT de Vigo

Sindicatos, movementos sociais e partidos políticos de esquerda volveron condenar este mércores o ataque...

O cidadán “exemplar” de Vigo: entrega á Policía 400 euros que atopou no caixeiro

Un cidadán entregou á Policía Nacional 400 euros que atopara na rañura dun caixeiro...

O RC Celta de Vigo multado con 5.000 euros por vender alcol nos palcos VIP

A Comisión Permanente da Comisión Estatal contra a Violencia, o Racismo, a Xenofobia e...