InicioVigo e contornaPiden fondos para reparar o bote tradicional irlandés que fixo o camiño...

Piden fondos para reparar o bote tradicional irlandés que fixo o camiño desde Dublín

O bote foi utilizado por un grupo de amigos irlandeses en 2014, que o construíron para emprender o Camiño Xacobeo a remo desde Dublín a Santiago, nunha viaxe de 2.500 quilómetros por mar e que se fixo de forma espaciada durante tres anos.

PUBLICADO O

A Asociación Galega para o Patrimonio Industrial ( Buxa) iniciou unha recollida de fondos para poder reconstruír a embarcación tradicional coa que catro amigos irlandeses viaxaron de Dublín a Santiago en 2014 e que se converteu en símbolo do Camiño Xacobeo por mar.
O bote, chamado Naomh Gobnait, está depositado no Museo do Mar de Galicia en Vigo despois de que varase en Portugal. Será reconstruído coa colaboración da asociación irlandesa Meitheal Mara e serán os propios remeiros os que realicen os traballos, que comezarán en xuño. Os interesados en colaborar na iniciativa, que puxo en marcha Buxa, poden facelo a través dun donativo na súa páxina web www.asociacionbuxa.com.
Os traballos de restauración poderán verse no marco da exposición ‘O camiño por mar’ que poderá visitarse no Museo do Mar do 7 ao 31 de outubro. O bote foi utilizado por un grupo de amigos irlandeses en 2014, que o construíron para emprender o Camiño Xacobeo a remo desde Dublín a Santiago, nunha viaxe de 2.500 quilómetros por mar e que se fixo de forma espaciada durante tres anos.
Tras pasar polas costas inglesas e francesas, o bote bordeou costas españolas, para desembarcar finalmente no porto da Coruña. Desde alí, os tripulantes continuaron a peregrinación a pé ata Santiago de Compostela.
A aventura concluíu con éxito en 2016. Pero un ano máis tarde, os catro amigos decidiron facer un roteiro pola costa galega, que acabou cun fatídico accidente en Caminha, no que falecido un dos tripulantes da embarcación.
 

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...