InicioVigo e contornaVigoUnha plataforma de transportistas esixirá compensacións a Audasa polos gastos causados coas...

Unha plataforma de transportistas esixirá compensacións a Audasa polos gastos causados coas obras en Rande

Ademais de demandar a devolución das peaxes pagas, tamén se buscará que Audasa compense aos empresarios polos gastos derivados dos atrasos nas entregas que causaron as retencións rexistradas na autoestrada polas obras

PUBLICADO O

A Federación Galega de Transportistas presentou, xunto ao despacho de avogados Pérez-Lema, unha Plataforma de Afectados da AP-9 co obxectivo de presentar demandas agrupadas contra Audasa polos atrasos e prexuízos causados polas obras realizadas na ponte de Rande e os seus accesos entre 2015 e 2018.

Nunha rolda de prensa celebrada este xoves en Vigo, un dos membros da federación, Alberto Vila, detallou que, ademais de demandar a devolución das peaxes pagas, tamén se buscará que Audasa compense aos empresarios polos gastos derivados dos atrasos nas entregas que causaron as retencións rexistradas na autoestrada polas obras. Así mesmo, aspírase a recibir o pago dos intereses xerados desde esas datas ata o momento no que a concesionaria asuma esta compensación.

O avogado que presentará as demandas, Xoán Pérez-Lema, apuntou que o gasto dun vehículo que durante eses 40 meses realizase cinco días á semana o traxecto de Vigo-Pontevedra podería ascender a uns 9.700 euros en peaxes. A este importe habería que sumarlle os gastos derivados de atrasos en entregas e os intereses xerados desde as datas da ampliación da ponte de Rande, o que podería supor demandas de ata 18.000 euros por cada automóbil de empresa.

Esta iniciativa, aínda que foi presentada por compañías de transporte, tamén estará aberta á adhesión de empresas españolas e do Norte de Portugal doutros sectores que operasen durante esas datas na fachada atlántica.

O período para sumarse a estas demandas estará aberto ata finais deste ano, aínda que se espera que a maior afluencia rexístrese ata este verán. Alberto Vila indicou que poderían verse afectadas por estas obras unhas 500 empresas do sector do transporte, ás que habería que sumar as doutras áreas.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...