InicioSociedadeAbel Caballero volve ameazar: ou Robótica en Vigo ou "gran mobilización" para...

Abel Caballero volve ameazar: ou Robótica en Vigo ou “gran mobilización” para reclamar a Facultade de Medicina

Critica á Xunta e á USC por "romper un acordo".

PUBLICADO O

- Advertisement -

O alcalde de Vigo, Abel Caballero, advertiu de que promoverá unha “gran mobilización” para reclamar unha Facultade de Medicina na cidade olívica, se a Xunta non intervén para que se cumpra o acordo entre as universidades galegas e se reserve o grao de Robótica para a Universidade de Vigo.

Así o manifestou nunha rolda de prensa, na que constatou que a Universidade de Santiago de Compostela “vai ofertar 50 prazas dun curso de Robótica”, cando “estaba acordado que a Robótica se facía en Vigo”. “O reitor de Santiago rompe o acordo entre as universidades, e instala Robótica, que é un grao reservado para Vigo. E a Xunta non di nada”, denunciou Abel Caballero, quen instou ao goberno galego a que “faga cumprir os acordos”.

O rexedor advertiu de que “non pode ser que a USC rompa o acordo e a Xunta mire para outro lado”. A ese respecto, aseverou que o goberno autonómico “ten que intervir” porque, pola contra, Vigo iniciará “unha gran mobilización”, para “despois de eleccións”, reclamando unha Facultade de Medicina.

“Non nos imos a quedar quietos ante un incumprimento que dana gravemente á Universidade de Vigo”, proclamou o alcalde

ÚLTIMAS

Absolto o acusado de violar a unha moza durmida pola falta de consistencia da versión da denunciante

A sección quinta da Audiencia Provincial de Pontevedra, con sede en Vigo, ditou sentenza na que...

Condenan a 2 anos de cárcere a unha americana que estafou máis de 158.000 dólares a unha firma viguesa de produtos do mar

A sección quinta da Audiencia Provincial de Pontevedra, con sede en Vigo, acolleu este...

A xuíza acorda o arquivo da causa contra o detido na rúa Mestre Montes por agredir supostamente á súa nai cun garfio

A xuíza de instrución 2 de Vigo acordou o sobresemento e arquivo das actuacións...

Detidos dous homes na rúa Cánovas del Castillo por supostos roubos con forza no interior de 15 coches estacionados

Axentes da Policía Nacional da Comisaría de Vigo detiveron a dous homes como presuntos autores de...