O presidente da Xunta, Alberto Núñez Feijóo, afeou ao PSdeG que o goberno local de Vigo, co socialista Abel Caballero á fronte, outorgue o galardón de Vigueses Distinguidos aos xefes de Atención Primaria que dimitiron o pasado mes de decembro.

Unha distinción que considera que é “política” e dana á sanidade pública. Por iso, propuxo condecorar ao persoal sanitario que atendeu aos feridos pola caída do porto durante o festival do Marisquiño.

“O PSOE galego faille moito dano a Galicia”, engadiu, para despois acusalos de “levar meses sen pór solución aos 5.000 empregos de Alcoa” e “semanas tomándolle o pau a todo o sector forestal galego”. “É difícil que un Goberno en tan poucos meses fixese tanto dano a Galicia”, sentenciou.