InicioSociedadeO PP ataca aos ex xefes da área sanitaria de Vigo por...

O PP ataca aos ex xefes da área sanitaria de Vigo por aceptar o galardón de Vigueses Distinguidos

Din que "se prestaron a facerlle o xogo político" a Abel Caballero.

PUBLICADO O

O grupo municipal do PP no Concello de Vigo lamentou este martes que os ex xefes de Atención Primaria que presentaron a súa dimisión irrevogable en protesta pola falta de medios no servizo “se presten a facerlle o xogo político ao alcalde” aceptando o galardón de Vigueses Distinguidos.

Nunha rolda de prensa, o concelleiro ‘popular’ Miguel Fidalgo afirmou que produce “moitísima tristeza” que un recoñecemento que debese concederse co consenso de todos os grupos estea a ser utilizado politicamente polo goberno local de Abel Caballero, e engadiu que é “unha pena” que os ex xefes de Primaria se presten a ese “xogo” só “porque están en contra de Feijóo”.

Miguel Fidalgo recalcou que o PP “está total e absolutamente en contra de que se premie aos ex xefes de servizo e non a todos os traballadores sanitarios”, tal e como este grupo propuxo. “O noso alcalde usa un conflito laboral para distinguir a uns señores por criticar a xestión sanitaria; é penoso e lamentable”, engadiu.

Finalmente, o concelleiro constatou que Abel Caballero é “o inimigo público número un da sanidade pública de Vigo” por “mentir e mentir” sobre o Hospital Álvaro Cunqueiro. O PP fixo estas consideracións despois de que os exjefes de Atención Primaria confirmasen que aceptarían o galardón –condicionaran a aceptación a que fose un recoñecemento aprobado por unanimidade–.

Os sanitarios entenden que, como o PP se ausentou da votación no pleno, o grupo non se opuxo ao seu premio, unha distinción que consideran extensible a todos os profesionais da Atención Primaria.

ÚLTIMAS

Condenados a 5 e 4 anos de cárcere os dous acusados de dar unha malleira a dous mozos na rúa Hernán Cortés de Vigo

A sección quinta da Audiencia Provincial de Pontevedra, con sede en Vigo, condenou aos...

Máis de mil vigueses xa teñen representación no caso do Cártel dos Coches con 40.000 afectados en Galicia

A oficina de Vigo do despacho BGI LAW representa xa a máis de 1.000...

Novo desencontro entre traballadores de Vitrasa e a empresa que non cede a reitirar os expedientes contra traballadores

A reunión celebrada este luns entre o comité de empresa e a dirección de...

A Xunta apura ao novo ministro de Cultura para axilizar o proxecto da Biblioteca do Estado en Vigo

O conselleiro de Cultura, Educación, FP e Universidades, Román Rodríguez, trasladou ao novo ministro...