InicioPolíticaCasado en Vigo: "Sánchez quere esnaquizar a unidade de España"

Casado en Vigo: “Sánchez quere esnaquizar a unidade de España”

Di que os socialistas "levaran a España á ruína".

PUBLICADO O

O presidente do PP, Pablo Casado, cualificou ao presidente do Goberno, Pedro Sánchez, como “o presidente máis radical” da historia da democracia en España, e ao seu Executivo como “o máis desigualitario”, por pór en risco os principios constitucionais dun Estado “social, igualitario e de dereito”, e por querer “esnaquizar a economía” e a “unidade de España”, ou “dar prebendas aos independentistas”.

Así o proclamou durante a súa intervención nun acto celebrado no Auditorio Mar de Vigo, na cidade olívica, ante unhas 500 persoas, e no que Pablo Casado afirmou que os socialistas atentan contra eses principios ao levar a España “á ruína”, “destruíndo emprego” ou impulsando outras medidas que “demostran ser tremendamente desiguais”.

Segundo incidiu o líder do PP, o goberno de Sánchez tamén “está a consagrar a desigualdade entre os territorios” de España, unha “desigualdade democrática” que permite que, mentres uns teñan que “cumprir a lei”, outros estean “a pelexar co Tribunal Supremo ou coa Fiscalía para quitar uns lazos amarelos”.

Durante a súa intervención, Pablo Casado referiuse tamén ás enquisas e insistiu en apelar á “unidade” do voto da dereita, á vez que alertou contra un goberno Sánchez-Igrexas, “unha aventura” que España “non pode pagar”.

ÚLTIMAS

Abel Caballero celebrará un pleno extraordinario contra o “veto por ideoloxía” a varias relatoras nun programa da Deputación

O alcalde de Vigo, Abel Caballero, anunciou este venres que a próxima semana convocará un...

A Xunta Electoral arquiva unha denuncia do PP por declaracións de Hereu na súa visita a Redondela e Vigo

A Xunta Electoral de Galicia decretou o arquivo dunha denuncia formulada polo PPdeG en...

O Porto de Vigo pecha xaneiro como líder nacional en movemento de vehículos, con 55.801 unidades

O Porto de Vigo pechou xaneiro deste ano arrebatando o liderado en movemento de vehículos á...