Adif licitou o contrato para o servizo de mantemento das instalacións do telemando de enerxía dos tramos Ourense-Santiago (Corredor Norte-Noroeste de Alta Velocidade) e Vigo Urzáiz-Santiago-A Coruña (Eixo Atlántico de Alta Velocidade).

O contrato conta cun orzamento de 1.470.912,3 euros (IVE incluído) e un prazo de execución de 36 meses, informou Adif nun comunicado de prensa. “O obxecto da actuación é manter en perfecto estado de conservación e funcionalidade os sistemas e equipos que compoñen os postos centrais, subestacións, centros de autotransformación e telemando, garantindo ao mesmo tempo a seguridade do subsistema”, explicou Adif.

A licitación inclúe o mantemento preventivo (cíclico, segundo estado, predictivo e extraordinario) e o correctivo.