InicioSucesosDesaloxado por precaución un edificio en Vigo debido a un incendio nun...

Desaloxado por precaución un edificio en Vigo debido a un incendio nun garaxe

Un incendio rexistrado na madrugada deste xoves nun garaxe da cidade olívica levou a desaloxar aos veciños dun edificio en Vigo.

PUBLICADO O

- Advertisement -

Un incendio rexistrado na madrugada deste xoves nun garaxe da cidade olívica levou a desaloxar a 60 veciños dun edificio en Vigo.

Segundo informou o 112 Galicia, o incendio sucedeu na Rúa Quintela, á altura do número 25. Foron varias as persoas que contactaron co servizo de emerxencias para informar os feitos sobre as 5,40 horas deste xoves.

Segundo o relato dos alertantes, víase saír moito fume desde o patio de luces do inmoble. Un dos veciños indicou, ademais, que a presenza do fume no interior das vivendas era “molesta”, sinalou o 112.

Por iso, os xestores do Centro Integrado de Atención ás Emerxencias (CIAE) 112 Galicia puxeron en marcha un operativo que contou coa intervención dos Bombeiros de Vigo e da Policía Local. Así mesmo, foron informados os servizos sanitarios e os voluntarios de Protección Civil da localidade, por se fose necesaria a súa colaboración.

Unha vez que as forzas da orde achegáronse ao local, confirmaron que os moradores foran desaloxados das súas vivendas para facilitar o labor de extinción por parte dos membros do Servizo de Prevención Extinción e Salvamento.

Tras finalizar a intervención, os Bombeiros indicaron que ardeu un coche e unha moto por completo, o que provocou que o tres pisos do garaxe resultasen afectados o fume.

ÚLTIMAS

Axentes e funcionarios denuncian as condicións “extremas” de calor na Comisaría de Vigo

Medio centenar de axentes e funcionarios da Comisaría de Vigo-Redondela, convocados polos sindicatos policiais...

Detido en Vigo por unha agresión á súa parella

Axentes da Policía Local de Vigo detiveron a un home de 47 anos de...

Confirmados 4 anos de cárcere para un home que extorsionou a unha muller

O Tribunal Superior de Xustiza de Galicia (TSXG) confirmou a sentenza da sección quinta...

OPINIÓN.- Riscos ambientais e patrimonio local na Barroca de Navia

As ondas de calor soportadas no mes de xuño mostran con claridade a anomalía...