InicioSociedadePP e Marea critican ao alcalde por "insultar" aos celtistas que protestan...

PP e Marea critican ao alcalde por “insultar” aos celtistas que protestan polos problemas en Marcador

Caballero elude pronunciarse e remítese ao comunicado feito público polo concello.

PUBLICADO O

Os grupos municipais do PP e Marea no Concello de Vigo tacharon de “bochornoso” e “temerario” que o alcalde, Abel Caballero, e o goberno local, insinúen que os afeccionados do R.C.Celta “levan pedras nos petos” para logo denunciar a caída de cascotes na bancada de Marcador do estadio de Balaídos.

Preguntado polos medios sobre o comunicado emitido polo goberno vigués este luns (no que se informaba dunha inspección da bancada de Marcador, e do feito de que os cascotes mostrados por afeccionados “non se corresponden” co material da bancada), o portavoz de Marea de Vigo, Rubén Pérez, cualificou como “temerario” insinuar que os afeccionados “levan cascotes nos petos”.

Segundo apuntou, as fendas e problemas na bancada “son visibles” e o goberno local debería valorar a posibilidade de clausurar Marcador mentres non estea garantida a seguridade dos afeccionados.

Pola súa banda, a portavoz do PP, Elena Muñoz, denunciou que, ademais de “non ter respecto pola oposición, nin polo presidente do Celta”, agora o alcalde “tamén lle falta ao respecto aos afeccionados que denuncian”. “É bochornoso que un alcalde insulte a uns afeccionados preocupados pola súa seguridade”, proclamou, e avanzou que o seu grupo pedirá os informes técnicos que garanten que non hai riscos na bancada.

A ese respecto, mostrou a súa preocupación porque, apuntou, faise referencia a “inspeccións visuais”. “A última vez que o Concello se conformou con facer unha inspección visual, afundiuse un paseo. Parece que non aprenderon do erro”, sentenciou, en alusión ao accidente durante a celebración do festival O Marisquiño.

Finalmente, cuestionado acerca das críticas dos afeccionados, o alcalde da cidade, Abel Caballero, eludiu pronunciarse e remitiuse ao comunicado feito público nas últimas horas.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...