InicioEconomíaA Xunta presume de "mediar" na crise de Vulcano na procura dun...

A Xunta presume de “mediar” na crise de Vulcano na procura dun “novo contrato”

En Marea e BNG preguntan en comisión un día despois da reunión en Madrid e tras a aceptación dos traballadores do plan de pagamentos

PUBLICADO O

- Advertisement -

A Xunta de Galicia di estar “a traballar” cun papel de “mediador” no contexto da crise de Vulcano. Centran o seu obxectivo en lograr “un novo contrato”, en relación ao conflito xurdido co buque ‘Villa de Terror’, encargado por Naviera Armas (Trasmediterránea) ao estaleiro vigués.

Así se pronunciou o director do Igape, Juan Cividanes, na comisión parlamentaria deste martes que aborda asuntos industriais. Díxoo así en resposta ás preguntas que lle fixeron ao respecto os deputados de En Marea e BNG Pancho Casal e Noa Presas.

Un día despois da reunión celebrada polas partes en Madrid e tras a aceptación por parte dos traballadores do plan de pagos, Casal avisou do “dramático” e “incomprensible” da situación. Mentres, Presas acusou á Xunta de manter unha “actitude pasiva” e urxiu a levar a cabo unha “actuación contundente” para “evitar un desenlace fatal”.

Pola súa banda, o representante do Igape sinalou que “se está traballando nun novo contrato que ampare todas as partes para que se poidan pagar as débedas que hai, terminar o barco, entregalo ao armador, e que cada un cumpra cos seus compromisos”.

Xa na súa segunda quenda, a portavoz do Bloque replicou que “o que piden é o recurso fácil de buscar solucións a través da intervención”. “Que a Sepi interveña non é a política que nós defendemos, non podemos tomar esas medidas, que é o recurso fácil aos fondos públicos e en moitas ocasións o que xera son solucións a curto prazo e non reais e consolidadas“, resolveu.

Así, insistiu en que o seu “modelo” pasa por “buscar solucións entre todos os axentes económicos, buscando un contrato que habilite e permita xerar a confianza para que se poidan renovar os traballos cunha data que lle valla a quen ten que comprar o barco”. Resaltou a necesidade de que ese documento lle dea confianza a todos os implicados “para que saiban que van poder cobrar as cantidades que se comprometan”.

“É un acordo no que teñen que estar todas as partes. Estamos a traballar. O noso papel é de mediador para conseguir que poidan confluír todos os intereses e que haxa un equilibrio para que haxa unha solución que permita entregar o barco”, finalizou.

ÚLTIMAS

O RC Celta de Vigo multado con 5.000 euros por vender alcol nos palcos VIP

A Comisión Permanente da Comisión Estatal contra a Violencia, o Racismo, a Xenofobia e...

Unha vivenda de 60.000 euros do condenado polo narcosubmarino para facer fronte a 25 millóns de mula

A Audiencia Provincial de Pontevedra sacou a poxa a vivenda de E.C.S.G, un dos...

O Porto de Vigo é “clave” para estar entre as comunidades máis exportadoras, segundo a Xunta

A conselleira de Economía e Industria, María Jesús Lorenzana, recoñeceu este martes que a...

“Hai silencios que doen”: Pepe Álvarez carga contra Rueda tras o ataque explosivo á sede de UGT en Vigo

A violencia contra unha organización sindical non pode quedar reducida a unha cuestión de...