InicioSucesosDenunciado outro ancián en Vigo por facer "tocamentos" a varias mulleres na...

Denunciado outro ancián en Vigo por facer “tocamentos” a varias mulleres na rúa

O home mesmo chegou a gravar cun teléfono móbil os feitos.

PUBLICADO O

- Advertisement -

A Policía Local de Vigo instruíu dilixencias de denuncia contra un veciño da cidade, E.R.C., de 77 anos de idade, por realizar supostamente “tocamentos” a varias mulleres na vía pública.

Segundo informaron fontes policiais, os feitos ocorreron a última hora da tarde do sábado, cando unha dotación do 092 desprazouse á rúa Príncipe con Urzáiz, alertada pola presenza dun individuo que estaba a facer “tocamentos” ás viandantes.

Unha vez alí, o marido dunha desas mulleres explicou que o sospeitoso se achegou á súa esposa, cando ambos paseaban en compañía da súa filla de 4 anos, á altura do Museo MARCO. Segundo relatou, o home púxose á beira da súa muller e estendeu o brazo para tocarlle a entreperna.

A continuación, seguiu camiñando e repetiu a mesma acción con outras mulleres, e mesmo, segundo esta testemuña, chegou a gravar algún destes “tocamentos” cun teléfono móbil.

Grazas á descrición achegada, os axentes puideron localizar ao septuaxenario, cando se atopaba na confluencia das rúas Urzáiz con Gran Vía, e informáronlle de que quedaba denunciado en dilixencias xudiciais.

ÚLTIMAS

40 axentes homenaxean a un compañeiro da Garda Civil que estivo un ano nun hospital tras un atropelo

Preto de 40 axentes da Garda Civil e numeroso persoal do Hospital Vithas...

Juan Carlos I chega de novo a Peinador para regatear en Saxenxo

Tal e como se esperaba, o rei emérito Juan Carlos I aterrou este mércores...

O PP critica que Caballero non explicase as súas “chapuzas e irregularidades” tras un ano do concerto de Guns N’Roses

O PP de Vigo lamentou que pasase xa un ano do concerto do grupo Guns N'Roses...

Arquivan a causa contra o chofer do autobús accidentado en Cerdedo-Cotobade onde faleceu un rapaz de Nigrán en 2022

O xulgado de instrución número 1 de Pontevedra ditou o sobresemento da causa contra...