InicioPolíticaCaballero defende as eleccións do 28A: "Nas Municipais fálase de Vigo e...

Caballero defende as eleccións do 28A: “Nas Municipais fálase de Vigo e nas Xerais de España”

PUBLICADO O

O alcalde de Vigo, Abel Caballero, celebrou que o adianto das eleccións xerais –que terán lugar o próximo 28 de abril– permita que non concidan coas municipais, autonómicas e europeas –convocadas para o 26 de maio– o que, na súa opinión, garantirá a “calidade democrática” do debate electoral.

Nunha rolda de prensa que tivo lugar este venres na cidade olívica, Caballero defendeu así a necesidade de que, cando teñan lugar as eleccións municipais, “fálese de Vigo” e de que, no marco das xerais, “fálese de España”.

Mentres, xustificou a coincidencia das municipais coas autonómicas na maior parte das comunidades autónomas –só non terán lugar en maio en Galicia, Cataluña, o País Vasco e Andalucía– pola “tradición” que iso xa supón neses territorios.

Deste xeito, o rexedor vigués valorou a decisión que tomou o presidente do Goberno, Pedro Sánchez, ante o “bloqueo” realizado esta semana por parte do PP, Ciudadanos e os “secesionistas cataláns” aos Orzamentos Xerais do Estado (PGE).

Así mesmo, o líder socialista local afeou ao Partido Popular e á formación laranxa que acusasen ao PSOE de pactar cos partidos nacionalistas de Cataluña e que, con todo, agora rexeitasen as partidas orzamentarias do Goberno central co “apoio” dos mesmos.

ÚLTIMAS

Gonzalo Caballero proposto polo PSOE de Vigo como candidato galego ás europeas

A asemblea do Partido Socialista de Vigo propuxo ao que fora secretario xeral do PSdeG, Gonzalo Caballero,...

Claudio Giráldez renova como adestrador do Celta ata xuño de 2025

O adestrador galego Claudio Giráldez renovou este xoves o seu contrato como técnico do RC...

Vigo supera de novo os 300.000 habitantes, “de longo a maior cidade de Galicia”

O alcalde de Vigo, Abel Caballero, anunciou que a cidade volveu a superar os 300.000 habitantes...

Case nove de cada dez usuarios da Asociación Érguete en Vigo comezou a consumir drogas antes dos 18 anos

Preto do 88% dos usuarios da Asociación Érguete en Vigo comezou a consumir drogas antes...