InicioPolíticaComezan as obras da Vía Verde de Vigo: tres quilómetros de paseo...

Comezan as obras da Vía Verde de Vigo: tres quilómetros de paseo entre Urzáiz e a fronteira con Redondela

As obras da Vía Verde de Vigo, que discorrerá durante máis de 3 quilómetros polas antigas vías férreas entre a zona da estación de tren de Urzáiz e o límite co termo municipal de Redondela, iniciáronse este xoves e terán unha duración estimada de seis meses.

PUBLICADO O

As obras da Vía Verde de Vigo, que discorrerá durante máis de 3 quilómetros polas antigas vías férreas entre a zona da estación de tren de Urzáiz e o límite co termo municipal de Redondela, iniciáronse este xoves e terán unha duración estimada de seis meses.

A actuación, que conta cun orzamento de 1,4 millóns de euros, permitirá a creación dun paseo de cinco metros de ancho, dos que tres corresponderán ao carril adaptado para bicicletas e outros dous estarán reservados para o camiño peonil. Segundo explicou o alcalde de Vigo, Abel Caballero, en rolda de prensa, a pesar dos traballos de execución manteranse algunhas das antigas vías ferroviarias.

O acceso á Vía Verde desde o centro da cidade será posible a través dunha pasarela entre Vía Norte e rúa Navarros e, desde a zona de Teis, mediante unha rampla situada na avenida de Buenos Aires.

Por outra banda, na rolda de prensa deste xoves, o rexedor explicou que máis de 46.000 leiras de Vigo serán edificables coa aprobación da ordenación provisional. Caballero explicou que só resta a aprobación de Portos de Galicia –as demais administracións implicadas xa o facilitaron– aínda que o deu por suposto xa que, segundo sinalou, xa se acometeron as “modificacións necesarias” para dar obter o informe favorable desta entidade.

Caballero explicou que xa se notificou ao 81 por cento dos propietarios dos terreos que serán edificables a través de correo postal e electrónico e engadiu que, para que as persoas coas que non foi posible porse en contacto reciban esta información, tamén se publicará no Boletín Oficial do Estado (BOE).

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...