InicioSociedadeOs policías locais de Vigo esixen a equiparación salarial co corpo de...

Os policías locais de Vigo esixen a equiparación salarial co corpo de bombeiros

Un grupo de Policías Locais de Vigo protagonizaron este martes un peche e unha 'pitada' en dependencias da Alcaldía olívica, para esixir que se cumpra o acordo plenario aprobado en abril de 2018 e que establecía a equiparación salarial destes funcionarios cos soldos dos efectivos municipais de bombeiros.

PUBLICADO O

- Advertisement -

Un grupo de Policías Locais de Vigo protagonizaron este martes un peche e unha ‘pitada’ en dependencias da alcaldía olívica, para esixir que se cumpra o acordo plenario aprobado en abril de 2018 e que establecía a equiparación salarial destes funcionarios cos soldos dos efectivos municipais de bombeiros.

Tras a protesta, segundo explicou a Europa Press o axente de Policía e presidente do comité de persoal, Pergentino ‘Tino’ Martínez (UXT), un técnico do departamento de Recursos Humanos púxose en contacto co colectivo para informarlles de que “están a facer números” e lles trasladarán unha oferta en próximas horas.

‘Tino’ Martínez lembrou que, desde que se aprobou en pleno a equiparación salarial, hai 10 meses, estívose negociando o modo de executar a dita medida, e que houbo reunións co concelleiro de Persoal, Javier Pardo.

“Xa había un acordo case pechado, pero á hora de executalo, din que non dan os números, porque o custo da medida dispárase”, lamentou o presidente do comité.

A ese respecto, Martínez apuntou que o goberno municipal “podería incrementar as partidas do capítulo 1 dos orzamentos” (as destinadas ao pago dos funcionarios), pero iso suporía “detraer” os fondos doutras partidas, “e xa se sabe como é a política deste goberno”. “Podería quedar con algunha luz de Nadal menos”, ironizou o representante dos traballadores.

ÚLTIMAS

Stellantis Vigo inicia a produción en serie da nova versión das súas furgonetas compactas

Stellantis Vigo comezou a produción en serie da nova versión Smart Compact Van dos...

“Vigo ten unha oportunidade”: Louzán abre a porta ao Mundial de 2030 e anuncia unha visita a Balaídos

O presidente da Real Federación Española de Fútbol (RFEF), Rafael Louzán, destacou este xoves...

Nova resposta da Xunta a Caballero polo Mundial de 2030: “Mantemos a mesma postura desde hai tempo”

O conselleiro de Presidencia, Xustiza e Deportes, Diego Calvo, insistiu en que a Xunta...

“Non pode ser que sufran un dano importante”: Caballero esixe compensacións xustas para aos afectados polo Ofimático

O alcalde de Vigo, Abel Caballero, volveu expresar este xoves o seu apoio aos...