InicioSociedadeO Concello de Vigo negocia con outras compañías aéreas tras os problemas...

O Concello de Vigo negocia con outras compañías aéreas tras os problemas con Ryanair

Di que non subvencionará a esta compañía senón indica os destinos dos voos.

PUBLICADO O

O goberno municipal de Vigo advertiu á aerolínea Ryanair de que non transixirá nas condicións nas que ofertará as axudas aos voos, e rexeitou as pretensións desta empresa de poder optar a esas subvencións sen ter que concretar nin a orixe, nin o destino nin as frecuencias das conexións.

Así o trasladou en rolda de prensa o alcalde olívico, Abel Caballero, quen lembrou que o goberno municipal está en pleno proceso de redacción do prego de condicións para a próxima convocatoria do concurso de promoción turística dirixido ás aerolíneas.

Segundo asegurou o rexedor, Ryanair manifestou que está a ter “serias dificultades” nas conexións que opera, e trasladou ao Concello a petición de que poida optar ao próximo concurso sen ter que concretar nin orixe nin destino dos voos, nin tampouco as frecuencias.

“A nosa formulación é completamente diferente. Non imos transixir, porque unha vez feito o contrato, poderían deixar de voar desde Vigo”, proclamou Abel Caballero, quen avanzou que xa está a negociar con outras compañías, ante a eventual retirada de Ryanair (que voa desde Peinador a Barcelona, Londres e Dublín).

ÚLTIMAS

O goberno de Vigo acusa a ecoloxistas de facer “política antivigo” por criticar a “política arboricida” do Concello

O goberno de Vigo acusou a veciños e ecoloxistas de facer "política antivigo" ao...

Dous detidos na desarticulación dun punto negro de venda de drogas en Navia

A Policía Nacional detivo este pasado xoves en Vigo a dous homes tras desarticular un punto negro...

Un camión guindastre choca contra o tendido eléctrico en Mos e provoca retencións e danos nunha vivenda

Un camión guindastre chocou na mañá deste venres contra o tendido eléctrico en Mos...

Outro accidente múltiple no túnel da Madroa causa retencións na AP-9 en Vigo

Un accidente múltiple rexistrado á primeira hora deste xoves na AP-9 causou importantes retencións no...