InicioSociedadeO Porto debía coordinar a seguridade do Marisquiño pero non supervisar, segundo...

O Porto debía coordinar a seguridade do Marisquiño pero non supervisar, segundo López Veiga

Ediles populares din, agora, que non comparecerán tampouco na comisión ata que o Consello de Estado determine se os cargos municipais teñen que comparecer no Parlamento.

PUBLICADO O

O presidente da Autoridade Portuaria de Vigo, Enrique López Veiga, afirmou este venres, con respecto á celebración do festival O Marisquiño, que o Porto tiña a “obrigación” de coordinar a seguridade do festival coa propia seguridade portuaria, pero “non supervisar” o evento.

Así o manifestou, a preguntas dos xornalistas, nunha rolda de prensa na que negou taxativamente que o Porto dese instrucións sobre a colocación do escenario ou as estruturas para o concerto durante o cal se afundiu parte dun peirao, causando 467 feridos.

O Porto ten prohibido meterse na xestión desas cousas. A obrigación do Porto é coordinar o plan de autoprotección do Marisquiño co plan de seguridade do propio Porto, non supervisar o festival”, incidiu.

En todo caso, López Veiga trasladou que se reserva” para aclarar calquera cuestión ata o momento en que compareza na comisión de investigación creada no Parlamento de Galicia. “Darei as explicacións no Parlamento”, rematou.

CONSELLO DE ESTADO

Por outra banda, a concelleira de Urbanismo de Vigo, a socialista María José Caride, solicitou que se aprace a súa comparecencia na Comisión de Investigación sobre O Marisquiño no Parlamento de Galicia ata que o Goberno determine se está obrigada a comparecer, ao ser un cargo público municipal.

A solicitude foi presentada non só pola concelleira senón tamén pola arquitecta municipal, que piden o adiamento ata que se pronuncie o Consello de Estado, ao que o Ministerio de Política Territorial elevou consulta o 17 de xaneiro sobre a obrigación a comparecer en comisións de investigación de Parlamentos autonómicos.

As peticións foron feitas pública polo deputado do Partido Popular, Alberto Pazos Couñago, que acusou ao Ministerio socialista de “uso espurio” das súas “potestades”, cun “uso e abuso” “intolerable” que se “pliega aos intereses de Vigo” e á “estratexia obstrucionista” do rexedor socialista, Abel Caballero.

ÚLTIMAS

Os equipos de emerxencias auxilian aos dous ocupantes dun turismo tras saírse da vía na AP-9, a altura da parroquia viguesa de Cabral

Os dous ocupantes dun turismo foron auxiliados polos equipos de emerxencia tras saírse da...

Tres atracadores levaron uns 300.000 euros a punta de pistola do Caixabank de Gran Vía

A Policía Nacional revisa imaxes gravadas polas cámaras e toma declaracións a testemuñas e empregados para atopar...

A remodelación do Museo Massó de Bueu rematará en 2024

O conselleiro de Cultura, Educación, FP e Universidades, Román Rodríguez, visitou este venres o Museo Massó...

O grupo municipal do PP denuncia que o Concello só dea “3 días” aos grupos para analizar a PXOM tras a súa tramitación “opaca”

O PP de Vigo reprochou este xoves que o Concello olívico só dea "tres días hábiles" aos grupos...