InicioSucesosDesarticulado o punto de venda de drogas de López Mora: 300 gramos...

Desarticulado o punto de venda de drogas de López Mora: 300 gramos de heroína, 500 de haxix…

Axentes da Policía Nacional da Comisaría de Vigo detiveron a dous homes e unha muller, de idades comprendidas entre os 59 e os 62 anos de idade e veciños da cidade olívica, como presunto autores dun delito contra a saúde pública por tráfico de drogas.

PUBLICADO O

Axentes da Policía Nacional da Comisaría de Vigo detiveron a dous homes e unha muller, de idades comprendidas entre os 59 e os 62 anos de idade e veciños da cidade olívica, como presuntos autores dun delito contra a saúde pública por tráfico de drogas.

Segundo informaron fontes policiais, a investigación (levada a cabo polo grupo de UDEV-Drogas e coordinada polo xulgado de instrución número 3 de Vigo) iniciouse a principios de xaneiro ao ter constancia da existencia dun posible punto negro de venda de drogas na contorna das Travesas e López Mora.

As pescudas e dispositivos de vixilancia permitiron constatar que había unha importante trasfega de toxicómanos pola zona, que quedaban en puntos predeterminados cos vendedores, e que incluso acudían ao domicilio dun deles, en López Mora, a comprar a droga.

Tras identificar aos presuntos traficantes, a Policía estableceu un dispositivo para detelos de forma simultánea e coordinada. O ‘xefe’ da organización foi interceptado á primeira hora da mañá cando chegaba á vivenda de López Mora, mentres outros indicativos policiais detiñan ao resto de membros do grupo.

A Policía realizou as entradas e rexistros nos domicilios, e incautouse de 300 gramos de heroína de gran pureza, medio quilo de haxix, importantes cantidades de diñeiro en efectivo, e material para transformar e vender a droga.

Os detidos foron trasladados a comisaría, onde se comprobou que todos eles teñen antecedentes policiais, moitos por tráfico de drogas. Os arrestados e as dilixencias practicadas foron postos a disposición do Xulgado de Instrución número 3 de Vigo.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...