O presunto parricida de Sárdoma (Vigo), detido pola morte do seu pai, de 81 anos de idade, foi enviado a prisión provisional por este homicidio, tras ser posto este luns a disposición xudicial ante o Xulgado de Instrución número 8 da cidade olívica.

O Tribunal Superior de Xustiza de Galicia (TSXG) informou de que o titular do xulgado instrutor decretou para a detido prisión provisional comunicada e sen fianza e que está investigado por “algunha forma de homicidio“.

A causa está secreta e o avogado do detido, Benjamín Maio, asegurou aos medios de comunicación que o seu representado mostrou “total colaboración coa Administración de Xustiza”.

O avogado do detido, Benjamín Maio, confirmou aos medios que o presunto parricida prestou declaración ante o xuíz e asegurou que o seu patrocinado mostrou “total colaboración coa Administración de Xustiza”.

O home foi detido o pasado xoves, despois de que, durante un rexistro en casa do seu pai, recoñecese que o matou no transcurso dunha discusión. No entanto, esa manifestación espontánea non foi realizada en presenza do seu letrado nin no marco dunha declaración formal, e non transcendeu se, na súa comparecencia ante o xuíz, ratificouse nesa manifestación.

O cadáver do octoxenario Manuel A.R. foi localizado o pasado 7 de xaneiro, cerca do río Eifonso, na parroquia viguesa de Sárdoma. O corpo presentaba signos de violencia, e estaba oculto por vexetación e uns plásticos.