InicioSociedadeO Concello dará licenza ao centro de saúde de Bouzas, aínda que...

O Concello dará licenza ao centro de saúde de Bouzas, aínda que dubida que se vaia a construír

Acusa á Xunta de facer "unha pantomima" para tapar a situación da sanidade viguesa. Ademais, critica que o proxecto que se contempla está "reducido" respecto do inicial.

PUBLICADO O

O Concello de Vigo ultima a tramitación da licenza solicitada polo Sergas para construír un centro de saúde en Bouzas, aínda que cuestionou que finalmente se vaia a construír. Ademais, volveu  denunciar que se trata dun proxecto “reducido”, con respecto ao planificado inicialmente.

Así o comunicou en rolda de prensa o portavoz do goberno local, o edil socialista Carlos López Font, quen avanzou que o permiso estará listo “nuns días”.

No entanto, incidiu en que o anuncio da construción deste centro de saúde é unha forma de “desviar a atención” por parte da Xunta, dado que “ten a sanidade en Vigo patas para arriba”, con centros de saúde prometidos que non se chegaron a construír, peche doutros, folga na PAC, dimisión en bloque dos xefes de Atención Primaria, ou con “as listas de espera máis altas de Galicia”.

Por outra banda, o portavoz do goberno vigués iincidiu en que a licenza solicitada polo Sergas é para construír “un minicentro de saúde”, cun proxecto reducido “á metade” con respecto ao presentado en 2010.

Así, recordou que, nun principio, prevíase construír un centro de saúde de máis de 1.400 metros cadrados, cun investimento de máis de 1,5 millóns de euros. O proxecto actual, apuntou, prevé un investimento que non chega ao millón de euros, para unhas instalacións de 743 metros cadrados, que non cubrirán as necesidades do barrio de Bouzas.

“Pedir esta licenza é unha pantomima, un engano electoral, outra volta de tuerca da Xunta para enganar os vigueses e os veciños de Bouzas”, sentenciou Font quen aseverou: “Estamos convencidos de que non se vai a construír”.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...