InicioPolíticaAlfonso Rueda celebra o traslado de 7.800 pacientes de Povisa ao Álvaro...

Alfonso Rueda celebra o traslado de 7.800 pacientes de Povisa ao Álvaro Cunqueiro

O presidente da Xunta agradece a confianza no sistema público e lembra que o novo modelo de concerto con Ribera Saúde paga por tratamento e non por cartilla.

PUBLICADO O

- Advertisement -

O presidente da Xunta, Alfonso Rueda, afirmou que 7.800 persoas decidiron cambiar a súa adscrición do Hospital Povisa ao Hospital Álvaro Cunqueiro de Vigo. O mandatario autonómico aproveitou estes datos para agradecer publicamente “a confianza na sanidade pública” por parte da cidadanía.

Cuestionado na rolda de prensa posterior á reunión semanal do seu equipo de goberno sobre se a Xunta vai repensar o concerto económico que mantén co centro hospitalario privado, Rueda remarcou que esas case 8.000 persoas “decidiron libremente pasar” dun centro a outro, mentres que unha gran maioría de máis de 100.000 usuarios permanecen integrados no hospital concertado.

“A obrigación da Xunta, unha vez aberta esta posibilidade, é que aquelas persoas que decidan ser atendidas pola sanidade pública no Cunqueiro poidan facelo adecuadamente”, subliñou o xefe do Executivo galego, antes de lembrar que todos os anos se abre un prazo no que a poboación da área de referencia pode elixir pasar dun sistema a outro.

En todo caso, o presidente insistiu en valorar a confianza depositada no Álvaro Cunqueiro e puxo en valor o recente cambio de sistema orzamentario co que se rexe a relación con Povisa. Segundo detallou, a diferenza do modelo anterior, no que “pagábase por paciente atendido, agora págase por tratamento realizado”. Así, asegurou que a Administración autonómica velará para que as persoas que permanezan en Povisa “reciban a atención adecuada”, co mesmo grao de esixencia que se lle aplica aos que optan pola sanidade de xestión directa.

ÚLTIMAS

Empregados de Vitrasa denuncian a “imposibilidade” de cumprir os “obsoletos” horarios que xeran “atrasos” en buses, especialmente durante o Nadal

O comité de empresa de Vitrasa, a concesionaria do transporte urbano de Vigo, denunciou...

Abel Caballero di que Vigo “arrastrará” a Xunta e deputación para que a cidade “sexa mundialista”

O alcalde de Vigo, Abel Caballero, afirmou este luns que Vigo será mundialista porque...

Carmela Silva (PSdeG) critica ao PP porque “nunca confiou nin axudou” a Vigo

A candidata do PSdeG ao Senado pola provincia de Pontevedra e primeira tenente de...

José Couñago encabezará a candidatura socialista á Alcaldía de Mos nas eleccións locais de 2027

José Couñago encabezará a candidatura do PSdeG-PSOE á Alcaldía de Mos nas próximas eleccións...