O alcalde de Vigo, Abel Caballero, reivindicou a “moi boa ocupación hoteleira” da cidade durante o pasado mes de febreiro, que rozou o 46% a pesar de tratarse de tempada baixa. Nun audio enviado aos medios de comunicación, o rexedor puxo en valor que se trata dun dato dous puntos e medio superior ao do exercicio pasado e un catro puntos máis que en 2024.

Segundo detallou o alcalde, a estancia media dos turistas na urbe olívica case alcanzou os dous días. Así mesmo, subliñou o peso do turismo internacional, xa que un 35% dos viaxeiros que chegaron á cidade proviña doutros países. Neste grupo destacou especialmente a afluencia dende Portugal, que representou un de cada tres turistas estranxeiros. “En suma, un moi bo comportamento do turismo no mes de febreiro en Vigo”, sentenciou Caballero.