Augas de Galicia iniciou obras de emerxencia na presa de Eiras, cun investimento previsto de case 2,3 millóns de euros, para garantir o abastecemento de auga a Vigo e oito municipios da súa área.

Os traballos céntranse na substitución de catro válvulas de toma de auga que regulan o fluxo cara á potabilizadora do Casal. Segundo un informe do organismo autonómico, as válvulas foron instaladas en 1977 e “nunca renovadas”, e agora presentan unha “deterioración estrutural xeneralizado, con corrosión avanzada e risco de fallo”.

A Xunta lembrou que, aínda que a presa é de titularidade autonómica, a operatividade desas válvulas correspondíalle en exclusiva á concesionaria do Concello de Vigo, Aqualia, que nunca informou de incidencias. Para evitar cortes, realizarase un ‘bypass’ para o bombeo provisional mentres se substitúen as pezas.