Vigo acollerá este xoves, 11 de decembro, a preestrea en España de ‘Rondallas‘, a nova película de Daniel Sánchez Arévalo, rodada en diferentes localizacións das Rías Baixas. A estrea en salas será o 1 de xaneiro de 2026. Este filme, unha comedia dramática e “unha oda á resiliencia”, supón o regreso ao cinema do cineasta.

Está protagonizada por unha repartición con gran presenza de intérpretes galegos conformado por: Javier Gutiérrez, María Vázquez, Judith Fernández, Tamar Novas, Carlos Branco e Fer Fraga. A historia sitúase dous anos despois do tráxico naufraxio dun barco pesqueiro que sacudiu a un pequeno pobo mariñeiro galego, cando algúns membros da rondalla deciden que é hora de recuperar a ilusión.

O evento terá lugar nos cinemas Tamberlick. Previamente, a Rondalla Gran Sol ofrecerá unha actuación no interior do centro comercial Praza Elíptica. O filme tivo a súa estrea mundial na pasada edición do Festival de San Sebastián.

É unha produción de Ramón Campos para Míster Fields and Friends e Bambú Producións e conta coa participación de Movistar Plus+, RTVE e TVG, ademais do financiamento do ICAA e a subvención de Agadic.