Axentes da Policía Local de Vigo detiveron na tarde deste luns a un home de 39 anos de idade, identificado como J.R., sobre o que pesaba unha orde xudicial de procura, detención e presentación.

Os feitos ocorreron na rúa Aragón, cando unha dotación do 092 observou a J.R. mostrar unha actitude esquiva ao decatarse da presenza policial. Tras identificalo, os axentes comprobaron que existía unha orde emitida polo Xulgado de Instrución 7 de Vigo, polo que procederon á súa detención. O home foi posto a disposición da autoridade xudicial.