Unha persoa necesitou ser trasladada tras sufrir unha intoxicación por inhalación de fume en Vigo. A orixe foi un incendio nunha cociña na Rúa Fragoso.

Ás 16,15 horas deste mércores, un veciño contactou co 112 Galicia para avisar dun incendio nun domicilio con persoas no interior.

A pesar de que ninguén parecía necesitar asistencia médica, os axentes da Policía Local chegaron a solicitar a intervención do 061 por tres ocupantes da vivenda con síntomas compatibles cunha intoxicación por inhalación de fume.

Finalmente, só unha persoa tivo que ser evacuada. Os Bombeiros de Vigo sinalaron que ardeu a campá extractora, parte da cociña e o resto da vivenda quedou afectado o fume.