Máis de 50 científicos participarán esta semana no I Congreso Galego de Astronomía e Astrofísica, que levará a cabo entre o xoves e o venres, días 17 e 18 de xullo, no edificio Redeiras da Universidade de Vigo.

A iniciativa, que foi presentada este martes, contará con conferencias, mesas redondas e ofrecerá numerosas actividades abertas ao público en xeral desde este mércores.

Así, investigadores de distintas institucións compartirán resultados, intercambiarán ideas e promoverán novas colaboracións, segundo indicaron en rolda de prensa a vicerreitora de Investigación e transferencia da UVigo, Belén Rubio, e a responsable do comité científico organizador, Ana Ulla.

“Trátase dun congreso de altísimo nivel do que estou orgullosísimo”, destacou o alcalde, Abel Caballero, que tamén participou na comparerencia ante os medios de comunicación.

A pesar de ser un congreso de especialistas, Ulla destacou a importancia de compartir o coñecemento coa cidadanía. Por iso, realizaranse distintas actividades abertas ao público, entre elas a exposición Astrónomas, aberta ata o día 30 no Berbés.