InicioSucesosPiden sete anos de cárcere para un home acusado de vender droga...

Piden sete anos de cárcere para un home acusado de vender droga no bar que rexentaba en Vigo

PUBLICADO O

- Advertisement -

Piden sete anos de cárcere para un home acusado de vender droga no bar que rexentaba en Vigo. O caso, que procede do Xulgado de Instrución Nº4 de Vigo, xulgarase este martes ás 9.45 horas na Sección 5 da Audiencia Provincial de Pontevedra. Segundo explica o Ministerio Fiscal no seu escrito de cualificación, a Garda Civil de Baiona tivo coñecemento de que o acusado se dedicaba á venda de sustancias estupefacientes no seu domicilio, na rúa, e no bar que rexentaba.

Establecidas as vixilancias, o 3 de febreiro de 2022 sobre as 20.15 horas, no interior do vehículo que conducía por Baiona, entregou a cambio de diñeiro a outro unha bolsita plástica que contiña unha sustancia que debidamente analizada resultou ser cocaína, adulterada con piracetam, cun peso neto de 0’643 gramos, unha riqueza de 79’65% e un valor de 39’39 euros.

Á vista do anterior e das informacións que chegaban aos axentes de que vendía sustancias estupefacientes mentres traballaba, o 22 de outubro de 2022 sobre as 00.30 horas produciuse unha inspección no seu bar. Alí incautáronlle ao acusado no peto do pantalón unha bulsa plástica que contiña unha sustancia que debidamente analizada resultou ser cocaína, adulterada con piracetam, cun peso neto de 2’587 gramos, unha riqueza de 82,35% e un valor de 158,50 euros.

Na cociña, á beira da barra, había unha báscula de precisión, con restos de po branco, unha bolsa plástica, así como dous envoltorios de plásticos que contiñan unha sustancia que debidamente analizada resultou ser nun deles cocaína adulterada con piracetam, cun peso neto de 0,314 gramos, unha riqueza de 77,21% e un valor de 19,23 euros, e o outro resultou ser cocaína cunha riqueza inferior ao 1% adulterada con manitol, cun peso neto de 0,384 gramos, e un valor de 23,52 euros. Aos clientes que se atopaban no bar tamén se lles incautaron sustancias que adquiriran alí.

A Fiscalía considera que os feitos narrados son constitutivos dun delito de tráfico de drogas en establecemento aberto ao público, polo que piden para el a pena de sete anos de cárcere e unha multa de 1.000 euros.

ÚLTIMAS

“Menos luces e máis vivendas”: máis de 200 persoas saen á rúa en Vigo contra os prezos da vivenda

Máis de 200 persoas saíron este venres ás rúas de Vigo para reclamar o...

“Estamos desesperados”, veciños de Privada Moderna esixen á Sareb que “cumpra a sentenza” e arranxe os seus pisos

Veciños da rúa Privada Moderna de Vigo esixíronlle á Sociedade de Xestión de Activos...

Sr. Feijóo, o “cancro” é unha enfermidade, non un modelo de absentismo laboral. Quen coida de quen coida?

Por Pedro de Castro (Vigo - 1978)  Hai persoas que enferman sen estar nunha...

Un xulgado de Vigo falla contra a Sareb e permite a un veciño de Privada Moderna quedar no seu piso

A praza 7 da Sección Civil do Tribunal de Instancia de Vigo fallou en...