O grupo municipal do PP de Vigo criticou a “preocupante incoherencia” do PSOE, que votou en contra dunha proposición non de lei no Congreso dos Deputados que pedía ao Goberno que axilizase a construción da Biblioteca do Estado na cidade, ademais de comprometer prazos concretos.

Así, o portavoz municipal ‘popular’, Miguel Martín, cualificou de “inexplicable” o rexeitamento dos socialistas a esta proposta que “buscaba referendar o consenso alcanzado fai escasas datas no Parlamento de Galicia por unanimidade”.

“Por que o PSOE defende unha cousa e a contraria segundo en que sitio? Demostra unha preocupante incoherencia, ademais dunha alarmante falta de interese en Madrid”, valorou Martín, segundo recolle o PP nun comunicado.