A Fiscalía pide penas que suman 3 anos de prisión para un veciño de Vigo que será xulgado este xoves na sala do Penal 1 da cidade, acusado dun delito de ameazas graves, un delito de resistencia grave a axentes da autoridade e un delito leve de lesións.
Segundo o escrito de acusación pública, na tarde do 20 de agosto de 2023, o acusado acudiu a casa do seu fillo armado cun machete con mango de madeira e folla de 36 centímetros e, mentres golpeaba a porta da vivenda, amenazab con “plantar lume”.
A irmá da vítima chamou á Policía e, cando chegaron os axentes, trataron de convencer ao home para que soltase a arma. O acusado opuxo gran resistencia ao ser cacheado e os funcionarios puideron ver que levaba no peto da chaqueta un coitelo artesanal de dobre fío e folla de 9,5 centímetros.
Ao forcejear con el, para impedir que sacalo do peto, un dos axentes resultou ferido nunha man e nun xeonllo. Por estes feitos, a Fiscalía pide penas que suman 3 anos de prisión e que se aplique o agravante de parentesco no caso do delito de ameazas graves. Igualmente, solicita que se lle prohiba achegarse ou comunicarse co seu fillo durante 5 anos e que indemnice ao policía ferido en 200 euros polas lesións.
