O goberno municipal de Vigo aprobará este venres as bases da convocatoria de bolsas para estancias lingüísticas no estranxeiro para alumnos da Escola Oficial de Idiomas, un programa dotado con 88.250 euros.

Segundo avanzou o alcalde, Abel Caballero, en declaracións remitidas aos medios, este ano concederanse 50 bolsas para que estes alumnos melloren os seus coñecementos de idiomas, e as axudas contarán cunha asignación media entre 1.700 e 2.200 euros.

Do total de bolsas, 20 serán para estancias en Reino Unido; 6 para estancias en Francia; 5 para Alemaña; 8 para Italia; 3 para Portugal; 6 para Xapón; e 2 para China. As axudas subvencionan estancias durante dúas semanas, así como desprazamentos e matrícula dos cursos, entre outros gastos.

O alcalde lembrou que estas bolsas se suman ás 1.100 bolsas do programa ‘Vigo en inglés’ para escolares de de 4º da ESO, que se volverán a convocar este ano.