A autovía A-55 rexistrou estas madrugada colas quilométricas no seu tramo entre O Porriño e Vigo debido ao transporte especial dunha peza metálica de grandes dimensións.

Escoltada por varios vehículos da Garda Civil, un guindastre transportou a peza pola devandita vía durante varios quilómetros, ocupando a maior parte da calzada en dirección Vigo, o que provocou atascos pasadas as 00.15 horas deste martes.

Así mesmo, a AP-9, ao seu paso polo barrio vigués de Teis, estivo cortada por obras desde as 23.00 horas no seu punto quilométrico 1 dirección aeroporto, polo cal a alternativa era dar a volta por Rande.