InicioSociedadeAnte o peche temporal de Peinador haberá servizos de autobús entre Vigo...

Ante o peche temporal de Peinador haberá servizos de autobús entre Vigo e o aeroporto de Santiago

Activado desde este mércores pola Xunta de Galicia.

PUBLICADO O

- Advertisement -

A Xunta activa desde este mércores, 8 de maio, servizos de autobús entre Vigo e o aeroporto de Santiago para atender aos viaxeiros afectados polo peche temporal do aeroporto de Peinador e ante a “falta de alternativas” por parte do Goberno central, que promove a obra na pista. Entre a estación intermodal de Vigo e a terminal compostelá funcionarán seis servizos ao día, cunha duración aproximada dunha hora e media, e terán saída desde Vigo ás 04,30, 07,35 e 10,45 horas e do aeroporto cara a Vigo ás 08,45, 12,40 e 18,45 horas.

O servizo con saída de Vigo ás 04,30 horas, que permitirá aos usuarios coller os voos da primeira hora da mañá, prestarase nunha nova liña que se crea especificamente e que realizará unha parada intermedia en Pontevedra. Os outros cinco servizos adaptan o itinerario de servizos de autobús xa existentes de liñas da Coruña e Ferrol con Vigo, engadindo un desvío ao aeroporto de Santiago. A información relativa aos servizos estará dispoñible para a súa consulta na páxina web www.bus.gal.

Coa posta en marcha destes servizos, a Xunta ofrece unha solución urxente á necesidade de facilitar os traslados ao aeroporto de Santiago dos viaxeiros afectados polas obras na pista de aterraxe na terminal viguesa, que promove Aena.

O conselleiro de Presidencia, Diego Calvo, lamentou que, a pesar de que se prevé que o peche do aeroporto dure polo menos o mes de maio, o Executivo central “non ofrecese unha alternativa para a conexión dos viaxeiros coa cidade de Vigo na reunión que mantivo a semana pasada o alcalde de Vigo, Abel Caballero, co ministro de Transportes e Mobilidade Sustentable, Óscar Puente”.

ÚLTIMAS

Nova resposta da Xunta a Caballero polo Mundial de 2030: “Mantemos a mesma postura desde hai tempo”

O conselleiro de Presidencia, Xustiza e Deportes, Diego Calvo, insistiu en que a Xunta...

“Non pode ser que sufran un dano importante”: Caballero esixe compensacións xustas para aos afectados polo Ofimático

O alcalde de Vigo, Abel Caballero, volveu expresar este xoves o seu apoio aos...

“Que asinen mañá”: Caballero desafía a Rueda e á Deputación polo Mundial de Vigo

O alcalde de Vigo, Abel Caballero, insistiu este xoves en que nin a Xunta...

Media ducia de detidos e diversas drogas intervidas en só dúas semanas, en operativos contra o ‘menudeo’ en Vigo

A Policía Nacional da Comisaría de Vigo-Redondela detivo seis persoas en cinco operacións contra...