Unha muller, A.M.V. de 38 anos de idade, foi detida na noite do pasado sábado en Vigo tras entrar na casa da noiva da súa exparella e morderlle ao home na cara. Tal como informou a Policía Local, os feitos ocorreron sobre as 23.20 horas na Travesía de Mantelas, onde un home chamou aos axentes para alertar de que unha muller estaba a golpear a porta con gran violencia.
Unha vez no punto, o home explicou aos funcionarios que minutos antes escoitaran graves insultos e ameazas mentres golpeaban a porta, sendo a exparella do home, que logrou romper un cristal e abrir a porta. Cando accedeu ao domicilio, dirixiuse cara ao home e mordeulle na fazula, abandonando á carreira o lugar entre insultos.
Por iso, comezou a procura da muller, sendo localizada cun elevado grao de nerviosismo, recoñecendo os feitos, polo que foi detida por un delito de violación de morada e outro leve de lesións.
