InicioSociedadeCondena de 8 anos de cárcere a un avó por agredir sexualmente...

Condena de 8 anos de cárcere a un avó por agredir sexualmente da súa neta de 11 anos en Vigo

A Audiencia condenouno a oito anos de cárcere por un delito de agresión sexual, fallo que agora ratifica o TSXG. Cabe recurso ante o Tribunal Supremo.

PUBLICADO O

A Sala do Civil e Penal do Tribunal Superior de Xustiza de Galicia (TSXG) confirmou a sentenza da sección quinta da Audiencia Provincial de Pontevedra, con sede en Vigo, na que condenou a oito anos de cárcere a un avó materno por agredir sexualmente á súa neta, cando tiña 11 anos, no domicilio familiar en 2019.

Así mesmo, terá que pagar unha indemnización de 6.000 euros á vítima polo dano moral sufrido. A pesar de que inicialmente Fiscalía solicitaba ata 15 anos de prisión, a Audiencia condenouno a oito anos de cárcere por un delito de agresión sexual, fallo que agora ratifica o TSXG. Cabe recurso ante o Tribunal Supremo.

O home tamén queda inhabilitado para calquera profesión, oficio ou actividade, sexan ou non retribuídas, que leve contacto regular e directo con menores, por un tempo superior en cinco anos ao da duración da pena de privación de liberdade.

Os feitos ocorreron en 2019, cando a menor estaba a piques de cumprir 11 anos. O avó convivía de forma temporal en casa da súa filla, e coincidía eventualmente coa súa neta na mesma vivenda, xa que a nena vivía entón co seu pai, que ten a custodia, e visitaba periodicamente á súa nai.

Foi na vivenda da nai onde tivo lugar a agresión sexual e onde o avó estaba a residir tras separarse da súa parella. O acusado, segundo declarou, durmía no sofá e “nunca” ía á habitación da nena, salvo para coller algún dos seus aveños, que estaban nese dormitorio, ou para cambiarse, sempre en ausencia da menor. Tal como explica a sentenza, en xullo de 2019, cando a menor xa estaba no seu dormitorio, deitada na cama para durmir, o seu avó entrou na estancia e díxolle se podía deitarse con ela, “non negándose a menor, pois pensaba que era para durmir”.

“Unha vez que o procesado subiuse á cama, e movido por un claro ánimo libidinoso, procedeu a botarse sobre a menor, comezando a tocala por todo o corpo, facéndoo por encima do pixama”, recolle a sentenza. Mentres, a menor conseguiu zafarse del e refuxiouse no cuarto de baño.

Á súa saída, o agora condenado estaba a esperala e, cando a vítima se subiu á cama, ao pouco tempo el tamén, baixándolle o pantalón á súa neta e comezando a tocala, “pero sen que houbese penetración”. Ao día seguinte, a nai da menor botou de casa ao home por atopalo na cama da nena.

 

 

 

ÚLTIMAS

Estudantes de Vigo e Monforte álzanse con tres premios da competición educativa Young Business Talents

Dous equipos de alumnado do IES San Tomé de Freixeiro (Vigo) e un grupo...

A concelleira do PP de Vigo Irene Garrido presenta a súa renuncia para centrarse na súa actividade no Congreso

A concelleira do PP de Vigo Irene Garrido presentou este venres a súa renuncia...

O BNG promete ser “a primeira liña de defensa” de Vigo no Parlamento galego, fronte ao “abandono” da Xunta

O BNG trasladou este venres o seu compromiso de ser "a primeira liña de...

O TSXG confirma a sentenza dun xulgado de Vigo que declaraba legal a prórroga do servizo municipal de auga

O Tribunal Superior de Xustiza de Galicia (TSXG) confirmou a sentenza ditada en 2022...