Un home, J.L.C.B. de 43 anos de idade, foi detido na madrugada deste martes en Vigo tras presuntamente roubar dous táblets e un computador portátil dunha barbaría situada na rúa Gran Vía.
Tal como informou a Policía Local, os feitos ocorreron esta pasada noite, cando un cidadán alertou de que se estaba producindo un roubo no devandito local, achegando as características do home. Así, comezou a procura do mesmo, localizándose sobre as 01.15 horas na rúa Rosario Hernández Diéguez.
Mentres este home estaba a ser custodiado pola Policía Nacional, os axentes locais realizaron as xestións necesarias para entrevistarse co responsable do establecemento violentado, manifestando este que as portas de cristal de acceso á barbaría estaban descuadradas e que no seu interior botaba en falta dúas táblets e un portátil.
Unha vez se visionó o contido das cámaras de seguridade, comprobouse “sen ningún xénero de dúbidas” que se trataba da mesma persoa retida, polo que foi detido pola suposta comisión dun delito de roubo con forza.
