Un vehículo ardeu na mañá deste xoves na Ponte de Rande e provocou amplas retencións na AP-9, dirección Vigo. Con todo, o suceso non provocou ningún dano persoal. En concreto, segundo informou o CIAE 112, o incidente tivo lugar ás 8,15 horas no quilómetro 147 da Autoestrada do Atlántico. Nese momento, varios particulares chamaron ao 112 para avisar do suceso.

Ao lugar desprazáronse os bombeiros do Morrazo, a Policía Local e a Garda Civil. O 112 explicou que aínda que o vehículo quedou calcinado por completo, o condutor, que puido saír do turismo, non sufriu danos.