Efectivos de bombeiros de Vigo rescataron na madrugada deste mércores o corpo sen vida dunha muller en augas do Porto, aínda que fontes policiais precisaron que o cadáver non presentaba signos de violencia.

O 112 Galicia informou de que un particular contactou con emerxencias, sobre as 00,40 horas, para avisar de que vía un corpo flotando na auga. O CIAE 112 avisou a Salvamento Marítimo, Servizo de Garcostas, 061 e Bombeiros de Vigo, que foron quen rescataron o corpo facendo uso dunha embarcación. Tamén foi informada a Autoridade Portuaria de Vigo, a Policía Nacional, Policía Local, Garda Civil e Protección Civil.

Membros dos equipos de Policía Xudicial e Policía Científica investigan as circunstancias do falecemento, e fontes consultadas por Europa Press apuntaron que o cadáver podería levar varios días no mar.