Axentes da Policía Local de Vigo detiveron nas últimas horas a un home de 36 anos de idade, J.D.F.G.G.., como presunto autor dun delito de exhibicionismo e provocación sexual.

Segundo informaron fontes policiais, os feitos ocorreron a pasada noite, cando unha patrulla que circulaba pola zona foi requirida para acudir á Travesía de Vigo, ante a presenza dun home que estaba a molestar e increpando a unhas mozas.

Ao chegar ao lugar, os axentes observaron a un tumulto de xente que rodeaba a un home quen, ao decatarse da presenza policial, fuxiu á carreira. Os policías conseguiron interceptalo na rúa Mestre Chané.

As testemuñas explicaron que, momentos antes, ese home saíra dun local tirando unha cadeira polo aire e que, a continuación, levando nas mans unha lousa dunha cafetaría, achegouse a unha muller e á súa filla menor de idade, e ameazou con golpearlles a cabeza.

Ambas quedaron inmóbiles, presas do medo, e o home abriuse a cremallera do pantalón e mostroulles o pene, mentres se facía tocamentos e propúñalles manter relacións sexuais.

Varias persoas foron testemuñas do ocorrido, algunhas delas, menores de idade. Por estes feitos procedeuse á detención do home, como presunto autor dun delito de exhibicionismo e provocación sexual.