Axentes da Comisaría da Policía Nacional de Vigo-Redondela, grupo UDYCO, detiveron a un home por tráfico de drogas, ydesarticulado un punto negro no barrio do Calvario de Vigo, segundo informan.

A investigación comezou por mor de informacións recibidas sobre un posible punto de venda de sustancias estupefacientes nunha zona da cidade.

Na mesma constatouse que o autor do delito era un home que no seu propio domicilio distribuía pequenas cantidades de sustancia estupefaciente a consumidores e intermediarios.

Finalmente procedeuse á súa detención, incautando efectos e útilespara a elaboración da droga e distintas cantidades de cocaína, un teléfono móbil e unha báscula de precisión. Ademais, realizouse un rexistro no domicilio do detido, utilizado para repartición e distribución da droga.