InicioPolíticaXuventudes Socialistas piden en Vigo unha mellora do Carné Xove e da...

Xuventudes Socialistas piden en Vigo unha mellora do Carné Xove e da Tarxeta Xente Nova

Criticaron tamén os "problemas" do transporte público interurbano de Galicia.

PUBLICADO O

- Advertisement -

Xuventudes Socialistas de Vigo pediron este venres ante a Delegación da Xunta na cidade unha mellora nos descontos do Carné Xove e un aumento de idade ata os 30 anos da Tarxeta Xente Nova. Así, preto dunha ducia de persoas protestaron ante o devandito edificio administrativo, criticando tamén os “problemas” do transporte público interurbano de Galicia, polos seus “atrasos” e a eliminación de liñas.

O secretario xeral desta asociación en Vigo, Alberto Ledo, reivindicou que mentres o presidente autonómico, Alfonso Rueda, anuncia a gratuidade do bus interurbano para maiores de 65 anos, “moitos estudantes teñen que renunciar a ir a clase por non poder pagar todos os días as viaxes ao estar limitada a gratuidade ata os 21 anos”.

“Xa basta que mentres miles de persoas quedan tiradas nas paradas de bus, Rueda dedícase a percorrer toda Galicia nun bus onde lle pide a Papá Noel que traia ese autobús máxico que solucione todos os problemas actuais”, criticou o secretario xeral nacional das Xuventudes Socialistas de Galicia, Xurxo Doval.

Á concentración tamén asistiu a deputada autonómica Leticia Galego, quen lembrou que no orzamento de 2022 quedaron 45 millóns de euros sen executar en vivenda para que os mozos teñan a posibilidade de emanciparse, ademais dun transporte público interurbano “ineficiente que lles impide a mobilidade por todo o país”.

ÚLTIMAS

Axentes e funcionarios denuncian as condicións “extremas” de calor na Comisaría de Vigo

Medio centenar de axentes e funcionarios da Comisaría de Vigo-Redondela, convocados polos sindicatos policiais...

Detido en Vigo por unha agresión á súa parella

Axentes da Policía Local de Vigo detiveron a un home de 47 anos de...

Confirmados 4 anos de cárcere para un home que extorsionou a unha muller

O Tribunal Superior de Xustiza de Galicia (TSXG) confirmou a sentenza da sección quinta...

OPINIÓN.- Riscos ambientais e patrimonio local na Barroca de Navia

As ondas de calor soportadas no mes de xuño mostran con claridade a anomalía...